حبيت بس اكتب جزء من حلقه حضرتها بالامس استفدت منها الكثير وعلمت اشياء لم اكن اعملمها فوددت اني اخد الخير ان شاء الله لو المعلومات محدش يعرفها ياريت يقرأ الموضوع
طبعا بدايه احنا عارفين ان اي شئ لم يفعله الرسول وجد بعده يكون بدعه وكل بدعه ضلاله وكل ضلاله تودي بصاحبها للنار
فحكايه الاحتفال بعيد مولد النبي عليه افضل الصلاه والسلام حرام
ناس هتقول طب ليه ده احنا كده بنفتكر الرسول عليه افضل صلاه وازكى سلام وبنحتفل من فرحتنا باليوم اللي اتولد فيه
هنقول جميل بس الرسول نفسه لم يكن يحتفل بهذا اليوم بالعكس كان بيصوم فيه علشان محدش من الصحابه يظن انه سيوسع على اهل بيته في هذا اليوم وقال رسولنا الكريم ((لا تطروني كما ططرت اليهود رسولهم)) اي متعظمونيش لدرجه العباده كما فعل بني يهود وكذلك قال الرسول انما انا عبد الله الفقير اليه
كمان الصحابه الكرام والخلفاء الراشدون لم يحتفلوا بهذا اليوم
واحد اكيد هيسأل ويقول امل احنا جبنا التأليفه ديه منين هنرد ونقول اللي عمل كده هوه المعز لدين الله الفاطمي الله يسمحه بقى لما فتح مصر كان الشعب المصري خائف من هذا الفتح وهذا الرجل وكان المعز يعلم مدى حب المصريين للرسول ولاهل بيته ففكر انه يعمل شئ يقرب منه الشعب فاخترع حكايه الحلويات اللي تتوزع وتتعمل مخصوص في هذا اليوم وتجمعات الذكر والصلاه على الرسول وطبعا كل ده بدعه وضلاله
المسلمين ملهمش غير عيدين اتنين بس وطبعا كلنا عارفينهم وفيهم الفقير والغني بيفرحوا
الغني بيفرح بالفسحه والخروجه والدبيحه والفقير بيفرح بالزكاه او اللحمه اللي بياخدها وبفرحه اليوم نفسه
لكن حد يقدر يقولي بقى في يوم المولد النبوي هل الفقير هيفرح زينا؟ ولاهيحقد على الغني اللي يقدر يشتري علبه الحلويات الفاخره وهو واقف يتفرج عليه
تاني حاجه في للاسف مظاهر غريبه بتحصل عند مقامات الناس الصالحين كما في الحسين والسيده وغيرهم بتلاقي الناس عماله تطبل وتتغنى بالصلاه والسلام على الرسول وتغني وهيه بتقرا القران هل هذا مظهر اسلامي؟ الغرب يقولوا عنا ايه
اذا كان الرسول عليه افضل صلاه وازكى سلام كان يقول اذا ذكر القرا توجل القلوب وتبكي من خشيه الله احنا ازاي نقلبها غنى لا وايه كمان بالطبله والدف
ناهيك عن الاختلاط بين الرجال والنساء في وسط هذا الزحام
طبعا هنقول امال نعمل ايه في اليوم ده
هنقرا في سيره الرسول الكريم وهنجمع الاطفال في البيت ونحكي ليهم قصه رسولنا الكريم وازاي واجه صعوبات في نشر الدعوه ويوم ميلاده ويتمه وهكذا
اوخيرا اسألأ الله ان اكون وصلت الجزء من الحلقه ويارب اكون افدت احد محبكم [أبو مالك]
